Compare Listings

Real Estate

Studim Tregu

Shërbimet e hulumtimit dhe studimit të tregut luajnë një rol të rëndësishëm në proceset e marrjes së vendimeve, duke siguruar të dhëna shumë të dobishme dhe të sakta për vendimmarrësit.

Për të kuptuar nevojat e klientit, mënyrën e ndarjes së tregut dhe pozicionimin e konkurrencës, duhet të jeni vazhdimisht të informuar me informacion të përditësuar, të saktë dhe të besueshëm.

Njohuritë dhe eksperienca e stafit tonë profesionist, kombinuar me të rejat më të fundit të tregut të pasurive të patundshme, garantojnë ofrimin e informacionit të nevojshëm dhe të dhënave thelbësore e analitike, për të qëndruar gjithmonë përpara zhvillimeve të tregut.

Shërbime Marketing

Falë strukturës së specializuar përbërë nga staf i dedikuar ekspertësh me eksperiencë të gjatë në fushën e marketingut, Balfin Real Estate & Hospitality ofron të gjitha kapacitetet e nevojshme për t’u ardhur në ndihmë të gjithë bizneseve në fushën e pasurive të patundshme apo individëve në përmbushjen në kohë të kërkesave dhe objektivave të tyre.
Ekipi Marketing ofron strategji të mirëfillta dhe plane komunikimi duke i dhënë vlerë të konsiderueshme pronës dhe duke garantuar gjenerimin e rezultateve të suksesshme.

Balfin Real Estate & Hospitality ofron:

• Hartim dhe zhvillim të strategjive të marketingut;
• Plan komunikimi dhe implementim të projekteve të ndryshme;
• Marrëdhënie me publikun;
• Digital Marketing dhe Menaxhim të rrjeteve sociale;
• Promovim në qendra dhe zona me vizibilitet dhe trafik të lartë klientësh.

Shërbime Akomoduese

Ne jemi të specializuar në zhvillimin dhe menaxhimin e resorteve elitare dhe jemi maksimalisht të angazhuar që çdo udhëtim të kthehet në një eksperiencë mrekullisht perfekte. Për ne ofrimi i turizmit elitar me shërbime cilësore dhe trajtim të personalizuar dhe mikpritja në nivelet më të larta janë fokusi ynë, ndaj ne bëjmë të pamundurën që të udhëheqim klientin drejt një udhëtimi të paharrueshëm.

Menaxhim i Projekteve të “Zhvillimeve Mikse”

Ne jemi kompania e parë në Shqipëri e cila falë portofolit të larmishëm të pronave, operon në një industri të re dhe të panjohur për tregun shqiptar, që quhet “mixed use development” apo Projektet e “Zhvillimeve Mikse”.

Bazuar në reputacionin, ekspertizën dhe potencialin tonë, ne mund të ofrojmë zgjidhje të personalizuara në fushën e pasurive të patundshme për të gjithë klientët tanë me nevoja dhe dëshira të ndryshme.

Ne ofrojmë për klientët vlerë të shtuar në investimet e tyre, paketa shërbimesh premium, produkte dhe shërbime të larmishme në resorte dhe rezidenca plot jetë e aktivitete, si edhe një gamë të gjerë të produkteve turistike.  ”Shkëmbimi i Pushimeve” është një tjetër produkt unik që ne po ofrojmë për herë të parë në Shqipëri, në bashkëpunim me një kompani të njohur ndërkombëtare.

Financim Prone

Falë partneritetit me bankat kryesore në Shqipëri, ne ofrojmë mundësi konkurruese financimi për klientët tanë, me normat më të favorshme të interesit në treg. Ne ofrojmë lehtësira financimi duke mbuluar kolateralin edhe para përfundimit të ndërtimit të pronës.  Çdo shtetas shqiptar ose i huaj mund të aplikojë si individ, kompani, i punësuar ose i vetëpunësuar.

Konsulencë

Nga momenti fillestar i konsulencës dhe deri në mbylljen e ciklit të plotë të shërbimeve, ekspertët tanë janë të dedikuar për të arritur rezultatet më optimale për klientët tanë.

Ne identifikojmë saktë dhe shpejt nevojat e klientëve dhe kemi një qasje të personalizuar ndaj secilit rast. Për ne, çdo klient është unik dhe trajtohet me kujdes të veçantë, duke u fokusuar në kërkesën specifike të tij dhe duke ofruar zgjidhjen më të favorshme.

Ne jemi: Partneri të cilit mund t’i besoni!

programi i qeradhenies

Programi i Qiradhënies

Programi i Qiradhënies është një shërbim i cili u ofrohet të gjithë klientëve të portofolit të pronave të Balfin Real Estate, nga një ekip i dedikuar e me përvojë që synon të sigurojë kthim të lartë dhe të shpejtë të investimit.. Krahas sigurimit të të ardhurave të rregullta, kujdesemi edhe për mirëmbajtjen e njësive të banimit dhe akomodimin më të mirë të mundshëm.

Me një bazë të konsiderueshme të dhënash të klientëve, duke ofruar standardin më të lartë të profesionalizmit, jo vetëm në procesin e blerjes, por edhe në menaxhimin, shitjen ose dhënien me qira të pronave dhe projekteve në tregun e pasurive të patundshme, kjo platformë kthehet në ëndrrën e çdo investitori, me kthim të shpejtë në investim (ROI) përmes programit tonë të qirasë.

Shkarkoni tani!

Vacation Ownership

Vacation Ownership është një koncept inovativ mbi blerjen e kohës së pushimeve, ku pushuesit mund ta blejnë atë në periudha të ndryshme të jetës së tyre, por me çmimet aktuale.

Ata të cilët dëshirojnë të kenë një shtëpi të dytë dhe të shijojnë këtë stil jetese në ambiente pushimesh me pronësi të përbashkët, mund të përfshihen në Platformën e Pronësisë së Pushimeve duke blerë kohën e pushimeve, pa qënë e nevojshme pagesa e vlerës së plotë të shtëpisë.